وافقه ع شط البحور بقلم ٠٠الطائر الجريح٠٠

وافقه ع شط البحور
أستنى مركب صيادين
والفجر أذن م زمان
وانا ليسه بسأل هو فين٠
والفجر مابيبعتش نور
ونجوم سمايا سهرانين
ده مركبه م غير شراع
خايفه عليه انا م الضياع
ده وهو خارج للسفر
سلم عليه وقال وداع
عدا يومين ومين كمان
ولسه ماأنش الأوان
يجى حبيبى م السفر
طب بس قولى ياقمر
أكيد لمحته ف البحر
ياشط مليان بالحنين
عاشقه حبيبى انا م سنين
وجايبه ف أيدى شمعتين
شمعه عذاب وشمعه انين
وقلبى دق دقيتين
بنظر بعينى لقيت شعاع
لمركبه م غير شراع
والعمر عدا ف لحظتين
ف الذكريات ويا السكات
الكل جه طب هو فين
ودموع عنيه حيرانين
عيون كتير بتقول كلام
بتقولى ضاع كل الغرام
حرام بقه قولو حرام
وديتو نور عنيه فين
قالو حبيبك ف البحور
عايش مع بدر البدور
جنيه فيها أحلى نور
قاعده تغرد كالعصفور
وطار وراها ذى النسور
وأحتفى ف جوف البحور
سرخت ف وش الجميع
وقولت أمشو وابعدو
هو حبيبى ونور حياتى
وأنا اللى بقدر اسعدو
لف الزمن بيه ودار
وقعدت ف ضى النهار
ونمت ع الشط شويه
لقيت ايدين بتصحينى
أصحيلى ياأحلى هديه
وهدومه ملياها الميه

بكى وقالى سامحينى

بعدك ماليش يانور عينى
وف حضن قلبك خبينى
خدينى ف حضنك الدفيان
انا بردان وجاى ندمان
ع ذمبى ٠وبترجاكى سامحينى ده حصنك هو مرساتى

بقلم ٠٠الطائر الجريح٠٠