يا اللى جالك بنت
جالك
فرحه بكره تحس بيها
لما تسمع منها بابا
تبقى متجنن عليها
لما تمشى وتبقى قطه
والحنان كله ف عنيها
تملك الدنيا بنعيمها
لما تمسك يوم اديها
وتصالحها لما تغضب
وتشاغلها وتناديها
---- ------- -------
لما يجى اليوم وتكبر
حلمها بيكبر معاها
ذى كل الانسات
لو تقول تلميذه تزعل
قول عليهم طالبات
رودى اغلى حاجه عندى
ورده بين كل البنات
تبقى حلوه لما تغضب
رأيها مش ذى رأيى
ما احنا جيل مش ذى جيلهم
احنا جيل السبعينات
بس دايما جوه قلبى
واعمل انى صغرت حبه
وانى بفهم فى البنات
-------- ------- --------
ذى كل الامهات
لما كانو ف يوم بنات
يحلمو بفك الضفاير
وبوداع الفيو نكات
يحلمو بالطرحه بيضه
و يا حبه ماكياجات
ويبقا ليها دولاب لحالها
فيه جميع البرفانات
واما تدلع تقول لى
هات لى كل الغالى هات
والقى فرحه ماليه قلبى
لما اجيب كل الحاجات
نانسى عجرم لما قالت
اللى ما خلف بنات
الحنيه ما شبعش منها
ولا داء الحلويات
--------------------------------------------------------------------------------------------------------------- بقلم | هشام عبدالجواد
ليست هناك تعليقات:
إرسال تعليق