::::: صدفة مقصودة :::::
ثم إنى مشيت فشوفتك
قومت خابط قصد كتفك
قولت سامحينى وآسف
قولتى أوك مش يهمك
فجأة حسيت قشعريرة
وبصراحة كنت خايف
قولتى حاسب مرة تانية
لحظة يمكن فيمتو ثانية
جبت نن عينيا في عينيكي
بؤى وارب وشى تنح !!!
قولتى أعدى لو هتسمح
إلتقيت بمشاعرى بيكى
قومت جاى ليمين شوية
قولت عدى بس فيا
يا اللى شكلك إنسانية
بس جوا العين حورية
صدفة بس جهنمية
قلبى دق وعقلى طار
بنت روحها بنور إلهى
نور مشقشق كالنهار
... ذكرياتي
محمد أبو الحسن
محمد أبو الحسن
ليست هناك تعليقات:
إرسال تعليق