تاتا.....تاتا
----------------------.
تاتا......تاتا
ياحبيبى
إمشى تاتا
وحده ..وحده
شوف براح الكون بحاله
برضه ضيق
مش هتمشى فيه بِــِراحتك
ولا هتاخد بَــراحتــــك
قوللى ليه؟!
وأى سؤال تسئله
راح أجاوبلك عليه
وتاتا ...تاتا
وحده ...وحده
-----------.
البيوت دى مملكتنا
والأمان تلقاه فى بيتنا
مهما شخبط بحيطانه
مهما تلعب فى بيبانه
برضه هيساعك ياروحى
وكل شىء هيعود مكانه
هى دى أصل الحكايه
وأصل دى هى البدايه
إن وطنك هو بيتك
وتاتا ...تاتا
وحده.... وحده
----------.
تاتا ...تاتا
وننا ...هوووه
راح أقولك ياحبيبى
عن وطن بيقسموه
جابوا كل عتاد معاهم
لجل يوم ما يدبحوه
هودوا القدس العتيقة
حَاولوا يخفوا الحقيقة
لجل ما تضيع القضية
وسط جيل بيعلمنوه
زرعوا فوضى فى الشباب
لجل ما يهد البلاد
والربيع خاتم بعاصفة
ضيعت اللى بانوه
شوف فى سوريا وأرض بابل
شوف فى ليبيا والجزائر
كل شبر فى ارض وطنى
بخبث حاولوا يفتتوه
أما فى مصر الكنانه
باقية رغم اللى قاسوه
وتاتا ...تاتا
وحده...وحده
------------.
بيتنا هو اللى أوينا
من حلايب حتى سينا
جنه للى يصون عهودنا
وقبر نار للى يعادينا
وإسألوا عنا الفراعنه
من تحتمس حتى مينا
واذا كان الله معانا
قوللى مين يبقى علينا
وإسألوا عنا الجبال
وكل حبه فى الرمال
كام شهيد ضحى عشانها
وكام شهيد جوا الميدان
طول عمر مصرنا أبيه
وطول عمرها مصنع رجال
هى دى أصل الحكايه
ومصرنا هى البدايه
وان وطنك هو بيتك
وتاتا ...تاتا
وحده...وحده
-------------.
شعر/ محمد توفيق
ليست هناك تعليقات:
إرسال تعليق