لما اقول الغالية مصر
ببنى فيكى الف قصر
ويا حلم كل شاب
ويا ضحكة كل طفل
ويا شمس منورة
ويا ضحكة معطرة
بعطر الورود
ويا فرحة ف كل ام
لما ابنها يعود
ويا نسمة ليل بيسرى
لجندى واقف ع الحدود
لما اقول الغالية مصر
جب مالى كل الوجود
لما افول الغاية مصر
ببقا ف الازمات بغدى
لما اقول انا ابن مصر
فخر ابويا وعز جدى
فرح ام بيتولدليها ولد
من فرحها بتقول ياولدى
لما اقول اسمك يامصر
بلقا لمة يلقا عيلة
بلقا نسمة حب صافية
بلقا الحياة حلوة وجميلة
بلقا روحى لبها رايحة
لو بعدت عنها ليلة
بلقا فيكى الف ضمة
يلقا فيكى الف دار
بلقا فيكى معانى دافية
بلقا فيكى حب جار
بلقا كل الكون دة صافى
بلقا بحر حب وافى
بلقا فيكى مية عزبة
تطفى فيكى اى نار
بلقا فيكى ايدين بتبنى
تمحى من قلبك دمار
دول ايدين المخلصين
ايدين ولادك مشتاقين
يعدو بيكى للنهار
لما اقول اسمك يابلدى
اقول يفخر بملا الوجود
لما اقول الغالية مصر
تبقى رمز للخلود
مصر عايشة جوة ذاتك
مصر روحك وحياتك
مصر بنتى وابنى وابنك
مصر اختك مصر امك
مصر شرقك مصر عرضك
مصر وطنك مضر ارضك
مصر كل الكون بحالة
مصر كنزة مصر مالة
لما تنادى تقول يامصر
تلقا حضن دافى يضم
تلقا عيلة تلقا ام
تلقا مليون الف قصر
لما تنادى تقول يامصر
بقلم / ميادة محمد
ليست هناك تعليقات:
إرسال تعليق