وعيش حزين بقلم الشاعر علي ابو بكر
وعيش حزين
وان قالولك راح نعدل
او نبدل
او نجيب الشرق غرب
والشمال يصبح يمين
قول امين
حتي لو ماشي وماقولتش
واعترضت وما اعترضتش
جوه نفسك روح وفتح
انت اصلا تبقي مين
دا انت واحد
زيي زيك
زينا كتير م الهاموش
رأينا معدوم وضايع
وسط انياب الوحوش
او بتلهينا المعايش
لجل حبه من القروش
والحقيقه اننا
جوه خوفنا مسجونين
نمشي في دروب السنين
محرومين
نبقي كوره بيشطوها
الكبار ويوصلوها
للمرض والجهل توهه
واحنا فيهم مسجونين
يعني مش هيفيد صواتنا
لو نصوت مجبرين
والخلاصه
اننا ننسي اللي فات
واللي جاي من سكات
واننا نفكر ف يومنا
واننا نصوت صوات
لو جابولنا لقمه حلو
ويا ورقه
من فئات ا لخمسينات
ليست هناك تعليقات:
إرسال تعليق