( مالك كده ) قصيدة عاميه بقلمي / الطيب عوض احمد
(1)
مالك كده
قاعد حزين
اصرخ وزلزل الدنيا
جواك أكيد براكين
كيد العدة
(2)
مالك كده
عمال بتشكي الهم
زى الولاية
كل يوم
تعيد نفس الحكاية
آه يا بلد
عايزه ولد
ومنين يكون
غبت الأسد
خلت قرود الحي
ترقص على العصايه
(3)
مالك كده
شايف وعارف
بس خايف
لسان مربوط بقفل الشفايف
آسف
الشفايف للنسه
يا ترى خاني التعبير
ولاقلمى
مكنش خايف
(4)
مالك كده
جواك بطل
مهزوم ومتحسر
وعلى ستمية حته
متقطع ومتكسر
هتلم أيه ولا أيه
اجمع عيدانك خضر
لجل تتستر
أوعاك يا واد
تكون فاكر
هزم العده بالسيف
مفيش غير الله اكبر
(5)
مالك كده
هموم كتيره متعدده
وطرق بادين عدوك
متسدده
غاب البصر ويا البصيرة
لما السكوت صبحلك بيت
أسياد وعبيد
طول الزمن
ومبيعرفوش انك قوى
غير في المحن
فاسكت ولم الدور
خليك تعيش مستور
ولما تلاقى
جوه قلوب البشر رجاله
وقتها يمكن تقدر
تكيد العده
مالك كده
بقلم / الطيب عوض احمد
ليست هناك تعليقات:
إرسال تعليق