كنت نهارك ايوة وليلك بقلم حنان امين
كنت نهارك ايوة وليلك
جتني بغدرك ومعاك ويلك
فاكر انك يوم تنساني
وهكون عبدك ولا ذليلك
ياما حلمت وانت قبالي
اقطف نجم السما العالي
ولا غيرك عندى غالي
عيشتنى وياك احلام
كل كلامك كان اوهام
بقي بالذمه دا اسمه كلام
حسستني وياك ان انا
دنيا جميله مليانة هنا
تتمناها اتاري كلامك غنا
شلت سعاده بقلبي اتاري
حبك هو عذابي وناري
ياما حاولت اخبي واداري
كنت ضحيه هواك عذبني
اتاريك غاوي انك تتعبني
وبريء شكلك وانت سايبني
علي قلبي بتدوس ولاهمك
لا حاسب استني اقولك
قلبي خلاص هيودع ظلمك
كنت اتمني قربك ورضاك
عيشتني في الوهم معاك
عز عليك انك تهواني
وصعب عليا تبيع في هواك
حنان امين
ليست هناك تعليقات:
إرسال تعليق