اعذريني يا ضي عيني
لو نسيتك في الكلام
أصل قلبي شغلني بيكي
وقالي دايب في الغرام
اعذريني لو غبت ساعة
ولو غبت حتي نص يوم
لو تهت ثانية ف بحر عينك
لاعرفت حالي ولا دقت نوم
وفضلت شارد وبقلبي مارد
وبحر هواكِ انا خدته عوم
بس استحالة أهوى القوالة
وف قربك انتي يبقالي صوم
اعذريني يا حتة مني
مانتي عاشقة بحر فني
وكل كلمة ينطقها قلبي
سهم راشق بالغرام
اعذريني
واعذري شوق الحبايب
م اللي داب في هوايا
أنا قبله دايب
وانتي عارفة لو كنت غايب
قلبي ليكي والسلام
خالد العطار
ليست هناك تعليقات:
إرسال تعليق