بتحبيني؟
----------
إن كان حبك ليا أكيد
يلا نشبك إييد فـ الإييد
نبدأ من أول وجديد
نقطه فـ أول شيء بالسطر
-
بس قوليلي حكايتك إيه
لو جواكي إزاي بديتيه
وبـإحساسك بتحسيه
ولا دي حاجه وزي الأمر
-
لما أنا شفتك قلبي ومال
دق وقالي 200 موال
أصلك حلوه وزي غزال
حسيت حبك زي الجمر
-
نظره فـ همسه فـ كلمه خلاص
حس القلب بدا الإحساس
أما انا دبت وكلي حماس
حاسس إني فـ حالة سُكْر
-
قولي بحبك يمكن افوق
وانك زيي رماكي الشوق
نار الحب صحيح بندوق
ولا لوحدي بدوق المر
-
قولي بسرعه وأي كلام
حتى ان قلتي دا كان أوهام
أصلي من التفكير مابنام
قولي وقبل فوات العمر
--------------------------
بقلمي
الشاعر هشام عوض
الاربعاء
28 - 10 - 2015 م
ليست هناك تعليقات:
إرسال تعليق