غرق الأسكندرية بقلم محمد ضباشه
غرق الأسكندرية
محمد ضباشه
لجل حبة هجاصين
وفى القوانطة مِية مِية
وللأسف بقوا مسئولين
على ناس حياتهم مِستويه
ومن فسادهم قرفانين
والحكومة : هى هى
لما خلوا حياتنا طين
وغرقونا فى شبر مَية
إسكندرية حالها مهين
غرقوا أمالها العصباجية
وماتوا خمسة متكهربين
حالهم .. صعبان عليه
والقاتل .. غسل اليدين
والمحافظ .. باع القضية
بلإستقالة مع كلمتين
الكارثة نوة طبيعية
وإحنا : إستعدادنا فين ؟
بالحليطة .. والمفهومية
الشمس .. تطلع يومين
هتشرب .. قهر الصبية
واللى ماتوا متغسلين
والمسئولين فى بلدنا دِية
لا فى رحمة ولا دين
والغلابة ملهاش هوية
ذنبهم هيشيلوا مين ؟
سؤال .. وبيهد فيه
إسألوا الباشا الكبير
والجواب شايفة بعينيه
ليست هناك تعليقات:
إرسال تعليق