ثم " امك "
افتكر ايام م كنت بتبكي لو سيبتك دقيقه
هي دي يا ابني الحقيقه
اني امك
اني أرحم حضن ضمك
اني شيلتك بين ضلوعي
اني اكتر حد حبك
حد قالك انت روحي
ضحكتك بتسد جوعي
ياما أكلتك بإيدي
يوم نجاحك يبقى عيدي
ياما علمتك تصلي
م انت ظلي
يا حبيبي
انت زرعي وانت شمعي
وانت فى الشدة طبيبي
ايوه يا ابني
انت حملي
انت فرحي انت املي
ابن بطني
مش ح سيبك لو دقيقه
هيا دي يا ابني الحقيقه
مش ح سيبك ترمي نفسك ف المهالك
حتى لو صوتك علاني وقلت ليا
وانتي مالك !
مش ح سيبك تمشي تايه بين صحابك
تقسى تنسى مش ح لومك
مش ح عاتبك
بس سامح
شعر شايب
لما نكبر
العقول ترجع فتصغر
ابقى قدر
عقل امك
لما اكبر
قد ستك
ربنا يضحكلي سنك
بابا مات
وانت بابا بعد منه
م انت منه
ربي شاهد
نفسي اشوفك اغنى واحد
وانت عارف
لهفتي لحظة م اشوفك
عمري ما احلم يوم بخوفك
او اشوف بعنيا دمك
او اسيبك وقت ضيقه
هيا دي يا ابني الحقيقه
مين احق الناس بجيرتك
الا امك
ليست هناك تعليقات:
إرسال تعليق