واحد قهوه
واحد قهوه من غير سكر
تشرب وتسقينى اشرب اسكر
والغريبه ان حبيبتى عملها ساده
والاغرب ان طعمها مسكر
والطبيعى إن القهوه بتصحصح
واللى مش طبيعى انى بطوح
يخلص الفنجان اقول عايز تانى
اشرب اسكر واسرح بخيالى
إتخيلها فحضنى وبدأت حكاوى
عن زمان وعن دلوقت
وحبنا اللى بيكبر مع الوقت
فجأه تهزنى فوقت فصلت
ألقى الحقيقه غير خيالى
اقول عايز قهوه تانى
تعملى قهوه تانى قدامى ساده
تشرب وتسقينى بردو سكرها ذياده
اشرب
اتسطل اكتر واسرح بخيالى
بس المرادى شطح خيالى
من كتر ماشربت شردت
وطلبت معايا ابوسها دلوقت
بوستها افورت واكتشفت
إن السكر كان من شفايفها
وسكرى كان من ريقها
وأصبحت مدمن
القهوه من فنجانها
ومن وقتها لدلوقت
اسكر وهى فى حضنى
من غير ماتخيلها
عشان الواقع مع حبيبتى
أجمل بكتير من الصوره اللى
كنت فى خيالى راسمها
رسالة
رسالة إلى كل من ليه حبيب
وتارك الأصل وعايش مع صورة
اتركوا للعشاق القادمين ميراث
اجعلوا من الحب فى الواقع أسطورة
سطروا من الحب قصصاً يقتبس منها
الشعراء أجمل الكلمات الماثورة
اعزفوا من الحب أعزب الألحان
يتغنى بها العاشقين لآخر الزمان
ارفعوا للحب راية فى كل ميدان
اصنعوا من الحب فى الواقع حضارة
ليست هناك تعليقات:
إرسال تعليق