الحِزن الوطنى
شعر/محمود العزب
29/10/2015
أنا لَو مِنَّـك كُنـت خِزيـت
أوسَنكـَّـرت عليَّـا البيـت
أو وَلَّعت فى روحى وجريت
م اللِّى نَهرتُهْ وم اللِّى قَهرتُهْ
وم اللِّى عَمَلتُهْ وم اللِّى نَهَبتُهْ
وكُنـت حرامـى ولاخَلِّيـت
وتردِّد وتقووول آه يانـى
دااناعُمرى أنانى وشَهوانى
وعيونى بِجِحَهْ وماخَبِّيـت
وفضايحى سابقانى وجارحهْ
وقَطَعت عن الفُقرا الفرحهْ
وكُنـت باقهقهْ لَوْ عَزِّيـت
وكُنت سعيد والناس بِتعانى
ومين يابعيد هايطيقَك تانـى
مَهمَن رُحْت ومَهْمَن جيت.
ليست هناك تعليقات:
إرسال تعليق