......... دعاية إنتخابية .........
عايزك يا مان
صاحى وجدع
رغم المشاكل
والوجع
رغم التدهور
والجنان
اللى بيمْلو
المجتمع
رغم اللى داير
من سنين
من ظلم لينا
المغلوبين
الشقيانين
المطحونين
واللى تملى
بننخدع
بشعار جميل
وكلام كبير
عن غد مشرق
كله خير
وبلاد
هتتحسن قوام
ودا كله عِلمى
وبالدليل
على إيد جناب
البيه فلان
أبو سُمعة
أنصع م الدهب
صاحب كذا
وربيب فلان
اللى بنى
واللى وهب
هو الأمل
راجل تمام
لآ ف يوم سرق
أو يوم خَدْع
ماهو كله بيقول
دا الكلام
وإدينى صوتك
ياجدع
.............. إدينى صوتك ياجدع
# كيمو #
ليست هناك تعليقات:
إرسال تعليق