تخاريف نائب فى البرلمان للشاعر : محمد ضياشه

تخاريف نائب فى البرلمان
للشاعر : محمد ضياشه

هترشح نائب عن الأمة
قومى يا أمى بركيلى
وبيعى الملايات والحلل
علشان تناديلى
سيادة النائب المحترم
وتنور فى بلدنا قناديلى
وأطلع فى التليفزيون
وروبى جنبى تغنيلى
قومى أفرحى يا سمسم
وقوليلهم حمادة بيه
راجل ابن حتتكم
هتاخدوا غيروا ليه
طول عمرة راجل جدع
وشهامته ساكنه فيه
وهيقف جنبكم كلكم
ما هوغيروا فادنا بايه
هيقدم طلب أحاطة
عشان شلاطة مسجون
راجل سرق فرخة
بقى مجرم فى كل قانون
واحنا ياما اتسرقنا
سنين من البهوات
وهربوا أموالنا للخارج
وحولوها الى دولارات
وياما قرينا الجرايد
وشوفنا منهم حكايات
هل هما فوق القانون
ولا لقانونكم كتير هفوات
ونائبنا هيقدم أستجواب
فى كل وزير نايم
ويقوله أصحى وفوق
مفيش منصب هنا دايم
شوفوا مصالح الناس
وتعالوا نوحد الدايم
وأول فانون فى دماغة
هيفصلة لبنت جارتنا سعاد
عاوزه تخش الجامعة
ومجبتش لها درجات
هيلغى القانون القديم
وهيبدلوا بقانون رنات
الرنة بعشر درجات
والطب له ميزدات
وخلصت سامية الدعاية
وجسمى مولع نار
شكلى كنت بخرف
والطب فى حالتى احتار
مروه ادتنى أمبولين ابيمول
وأنا كل ساعة فى حال
مرة يشوفونى وزير
والتانية بكون طبال
ومره بقيت نائب
وفاكرين الحكاية بهزار
ومره بيشوفونى معاهم
ومره بكون رحال
تخاريف .. ويمكن حقيقة
ولا هى معركة ونضال