أصبح حبنا لعبة ----للشاعر / محمد ضباشة

أصبح حبنا لعبة
للشاعر : محمد ضباشه

نورت الدنيا فى عنيها
وجوه فى قلبى سكنانى...
فخدتنى وحبى بايديها
فقلت دى هى عشقانى
وأن حبى هتصونه
وأن فى يوم ما تنسانى
وأنى جوه فى عيونها
وأن رموشها حميانى
وأن العش فى حضنى
وزادها زرع بستانى
وأن الفرحة مع سهرى
على شموعى وألحانى
وأن الحزن فى هجرى
وهى لقلبى ضمانى
وعدى الليل وأنا معاها
وشاف الصبح أحزانى
وعدت أيام ومعدودة
وزار طيفها واحد تانى
لقيت حبى بقى زكرى
وبرا القلب رميانى
رجعت لدنيتى مجروح
وجرح القلب خلانى
ما اقول للحب استنى
ولا أستنى حنان فانى
واصبح حبنا لعبة
فى يد القاصى والدانى
وشاف قلبى ألاعيبة
وفين القاسى ودانى