أغنية : مبروك ياحلوة --بقلم الشاعر محمد ضباشة

أغنية : مبروك يا حلوة فرحك
للشاعر : محمد ضباشه
مبروك يا حلوة فرحك
منور على القناة...
زرع فى بلدنا فرحة
وقلوبنا خدها معاه
اللى حفر قنالك
واللى عرق عشانك
واللى خطط ونفذ
تراعيه يا أما بحنانك
ونقول مبروك علينا
وعليك يا عمنا
ياللى حققت حلمك
وجيبتوا لحدنا
ترقص أمواجة لينا
وجايب خيره بينادينا
دا أنت جوه فى عنينا
وغالى والله عندنا
نعملك علم وسارى
وتمثالك فى العلالى
تعظيم سلام يا ريس
دا أنت فى القلب غالى
مبروك يا بلدنا فرحك
وعلى كل العرب
دا أنتى يا حبيبتى لحنى
وأساس كل الطرب
فيكى ايدين ولادى
بتعيد أمجاد بلادى
نحلم بالفجر يطلع
نلقى الأدان ينادى
ونصلى العصر حاضر
على شطك يا بلد
ونقول تسلم أيادى
الشيخ ويا الولد
بسم الله ياله بينا
نترقص على السفينة
ونرفع علم بلدنا
يرفرف على كل مينا
مبروك يا حلوة فرحك
منور على القناة
زرع فى بلدنا فرحة
وقلوبنا خدها معاه