يمكن يعود بقلم الشاعر سليمان خطاب

يمكن يعود
*********
سِبت شوقى ف قلب ضله
شبكه ف عيونها الكحيله
كام ضفيره من خميله
عينها طله ع الطريق
لابسه طارحه بنقشه خضره
وف جبينها الشوق طليق
ولما يرجع طيرها ليها
ف حضن شوقها الليل يبات
والساعات
تلقى ف ثوانى العمر فات
اضحك يا شوقى للمطر
واخرج برا السكات
ضل عمرك ف خطر
اهرب بجلدك م الممات
اللى فاتك فاكره راجع
لسه مستنيه يعود
لو لقيت الشمس
طالعه م الغروب
والنجوم تصبح ورود
لو تصحِى عمر فاتك
ع الحدود
يمكن يعود