يا حبيبتى وحشانى للشاعرالمتالق : محمد ضباشه

يا حبيبتى وحشانى
للشاعر : محمد ضباشه

أنا وأنت وكلام بينا
وحاجات فى قلبى شغلانى
ورغم أميال بعيد عنا
صحيتى قلبى من تانى
وجه طيفك يشاغلنى
وعيونك فيه سكنانى
بشوف بيهم صباح بكرا
وشمس حبه عشقانى
وقمر ليلك بياخدنى
لجنة وأنت بستانى
وأنا وعنيكى والدنيا
نغم وألحانه عجبانى
وزهرة جنبى تحكيلى
وفله بحب مسكانى
ووردة تطير حواليا
وفرحة فى قلبى حملانى
أطير بيها كما العصافير
وأقول يا حبيبتى وحشانى
وجوه الجنة نتهنى
وأنسى معاكى أحزانى
وأرسملك على القلوب صورة
بتشد كل أركانى
ما اقدر ساعة أغيب عنها
وهى فى قلبى سكنانى
أنا وأنت وحالة حب
وأنت فى البعد شيفانى
وأنا دايما قريب منك
وأشواقى فى قلبى ملكانى
بتسأل كل يوم عنك
وبتسهر جوه أشجانى
بتستنى صباح بكرا
وعن قلبك ما بعدانى