:::: واقع مؤلم :::: بقلمي // محمد أبو الحسن

:::: واقع مؤلم ::::
عن واقع مؤلم مكتوبلك
هتفارق ناس هما حياتك

أو يمكن هيعيشوا في قلبك
وهيسمعوا صوتك في سكاتك
وانا بكره هكون واحد منهم
ومتسألنيش حاجة وحياتك
--------------
ومتسألنيش أنا أقصد إيه
دا لأنى أساسا مش عارف
ومتسمعليش أنا قايل إيه
جاى بكره أكيد هتكون شايف
الموت دا بييجى على سهوه
وأساسا منه أنا مش خايف
-------------
وهاخاف من إيه دا الموت نعمة
ودا حلم قديم من أحلامى
وماتستغربش اللى بقوله
مش قاصد حاجة بكلامى
وياصاحبى زى مافهمتك
إدعيلى وجمع أيامى
-------------
علشان لوبكره إتكلمنا
في منامك أنا هسأل عنها
وهاقولك فاكر أيامنا
وإزاى قادر تهرب منها
مش قاصد أخضك صدقنى
الآه دى مفيش أصعب منها
محمد أبو الحسن