((( رزق هـــــــــنا ))) بقلم // سمير فرج شادي

رزق هـــــــــنا
ـــــــــــــــــــــــــــــــ
رزق هنــــــا رزق هنـــــــاك

مين على الغربة يا حلو رماك
مهما تدور وتعدى بحور
رزقك دايماً يستناك
الأولاد ما انت عارفـــــــهم
بعدك عنهم بيخوفهم
دول عايزينك أنــــــــت وبس
مش عايزين جوابات تترص
مهما تدور وتعدى بحور
رزقك دايماً يستناك
بص الغربة بتعمل إيه
وأنت شايف منها إيه
روح وإجرى على الأولاد
شوف نايمين إزاى بيتكفم
على الفراش وبيتلفم
خوفهم دايماً فى القلوب
مش حاسين بحنان قدامهم
أحفظ نفسك من الأوهام
واشرح صدرك بالقرآن
يحرص قلبك بالإيمان
روح وإجرى على الأولاد
دول عارفين أنت أبوهم
من الكلام والحكى ليهم
مش كفاية غربه ليهم
شوف الفرحة إزاى حواليهم
بالوجود وأنت معاهم
روح روح للأولاد
بقلم سمير فرج شادي................