((( " قـلــــــــوب " ))) بقلم // سها الجزار

‏

" قلوب "
بقلمي / سها الجزار
لسة في قلوب نقية شفافة شكلها شكلك ..
ولونها لونك ..
تحبها وتحبك ..
ومن غير ما تقولها تلاقيها تملي قريبة منك..
حلمت في يوم انها تقابلك ..
ومعاها تعيش احلي ايام عمرك ..

وعن قلوب تانية تشوفها تسد نفسك ..
تحسسك انها ملاك لكنها عايزة تغشك ..
بتتلون وتتكلم من وراك وتتضحك بعدها فوشك ..
وتعدي الايام تبان حقيقتهم وتوضحلك ..
تقول لنفسك يارتني من زمان ما عرفتك ..
وعن قلوب ضعيفة مش بس قدامك ..
ولا منها عارفة تقربلك ولا منها تبعد عنك ..
شافت انها بالبعد والايام تنساها اريحلك ..
تنسي تفكر فيها وتنسي انها كانت هنا جنبك ..
ملهاش مكان خلاص تاني جوه قلبك ..
وتفضل ذكري تعدي وتدور ديما في عقلك ..
وقلوب معاها بتنسي حتي اسمك ..
من كتر ما هي صادقة بتستكترها علي نفسك ..
عشان متعودتش تشوف زيها في عمرك ..
وتخاف تحبها عشان متبعدش في لحظة عنك ..
وقلوب كمان تفضل تقرب ليك ..
ويوم ما تأمن لها تغدر وتأذي فيك ..
لكن ربنا هيرد ليها كله بكرة تشوف بعنيك ..
حاول انت تركز تشوف القلب اللي شاريك ..
ولا يوم يبيعك وديما يكون متمسك بيك ..
كتير بيحبوك بس انت شاور علي الصح بأيديك ..
اوعي تاخدك المظاهر اصلها خداعة بتكدب عليك ..
سلم لله امورك ده وحده عالم بيك ..