(((( من غير رتوش )))) بقلم الشاعر // على مبروك

قصيدة عامية ( من غير رتوش)
ليه العيون
من غير رتوش

تكشف بلاوي همنا
هو احنا ضعنا ف الكؤوس
ولا الزمان
ده اوسمة
لما الصبية و الولاد
ينشق فيها الاوردة
وكلاب بتنهش ف الوشوش
عايزنها تلعن صمتنا
حبة بنات متوضين
بدم راوي ارضنا
لابسين سوادي ع الجبين
لما المخدر ضمنا
سرق الضمير ويا النفوس
خلانا ناكل بعضنا
انا مش مخون او ضعيف
انا بس كاتم ذلنا
مستني دوري ع الرصيف
ويا الحروف اليابسة
او حتي لقمة او رغيف
باعتو اوباما عمنا
ما هو ده
اصل الرغيف
لو كنت فاكر غير كده
داعش وباعش
مرسلين
عشان تموت المسالة
وتروح عراق ويا الجيوش
اهو برضه نحمي ارضنا
سوريا خلاص بقت الفطيس
ولا حد عارف همنا
هي الحكايه ف الكؤوس
ولا انت نايم زينا ؟
علي مبروك