آه يا خلق يا هووووو
كل ما توسع حبه علينا ......بتخلوها تضييق
الواحد مش ﻻقى سكه . وﻻ عارف له طريق
وبيشكى حاله لربه .وﻻ قادر بشكيه لصديق
ﻻن عايش زيه فى مشاكل وده صدق وحقيق
آه يا خلق يا هووووو
هو الواحد عشان مش راضى انه كمان يتكلم
يفضل كده طول عمره متحمل وﻻمره بيسلم
وياما مرت كم من ازمة شده ربنا هو اﻻعلم
مهما كان فى اﻻمر دى ضيقه ربك راح يكرم
آه يا خلق يا هووووو
مليون حاجه ممكن تحصل وانت فى ايدك ايه
مهما عملت ومهما حاتعمل ﻻزم ترضى بيه
و اوعى حاجه تكسر نفسك او تتأثر يوم بيه
ده اللى حايكون كان متقدر وانت ساير ليه
آه يا خلق يا هووووو
حقيقى ظروفنا فعﻻ صعبه ومش مستحمله
انها تيجى معانا بمنهده او بكتر اسئله
وما نجيش للهايفه ونتصدر ونكبر المسأله
اللي نشوف انها تتحل نحاول بالعقل نحلها
آه يا خلق يا هووووو
اللي يغيظ ان مهما تعمل ما حد يسئل فيك
لكن لما يحصل حاجه منك الكل يجي عليك
ومهما تحاول انك تقنع حد بالحق اللى ليك
ما تﻻقيش حد سائل فيك وﻻكمان مهتم بيك
آه يا خلق يا هووووو
ربنا يرضى عنا وعنكم ربنا يرضى علينا
ربنا يبعد الشر عنا وعنكم وعن اللى حوالينا
ربنا قادر ان يخفف وانه كمان يلطف بينا
آه يا خلق يا هووووو اعملوا اللي تعملوه
اوعى فى يوم انك تتصور ان فى منه مهرب
اعمل اللى نفسك فيه واعرف ان لك رب
ان فى يوم بين ايديه حيحاسب على الذنب
حاول انك تتوب اليه عشان عنا يفك الكرب
وآه منكم ياخلق وآه منكم ياهووووووو
ليست هناك تعليقات:
إرسال تعليق