((( ارضنا مش ارض خوف ))) بقلم // هشام عبدالجواد

---------- ارضنا مش ارض خوف ----------
يا اللى هتشيلو المصاحف ع الكفوف
يا اللى قاعدين فى البيوت جواكو خوف
يا اللى مالين الشاشات كذب ونفاق
من غير كسوف
يا اللى واقفين ع المنابر والمساجد
بالالوف
--- ----- ----
يعنى ايه تبقى المصاحف ع الكفوف
والايدين متفرقين
يعنى ايه الخلق خايفه فى البيوت
ده فى شرع مين
لما اعلام الضلال يكذب علينا
من سنين
والمشايخ ع المنابر تدفن الحق ف قلوبها
فى اى دين
----- ----- -----
مصر مش محتاجه ابدا حد فيكم
مصر كارهه الدم يجرى بين ايديكم
مصر محتاجه لادين تزرع و تجنى
لما تتجمع اديكو فى كف ايد ترفع و تبنى
مصر يعنى الامن فى قلوب العباد
مصر يعنى الضحكه فى عيون الولاد
حضن ضله تحت شخره
طعم لقمه بالف زاد
ريحة نسمه حلوه صافيه
وشمس طالعه فى المعاد
ارضنا مش ارض خوف
ارضنا محبه وامان
بكره يجى اليوم تشوف

 بقلم / هشام عبدالجواد