((( حكاية مواطن ))) بقلم // محمد حسانين

حكاية مواطن
إبدأ حكاوى الظلم من أول السطر
من أول نزول الروح لحد دخول القبر
مولود مهمش لا ليه وجود ولا عمر
تصريح دخوله للحياة مختوم بختم القهر
مجبور يقول الاه والاهة نعم ذل وفقر
لمصيره عيونه مسلمة ومصيره مشوار طويل فى سكة صبر
نهض وهب كأنه طير فر من وكر الأفاعى لحضن الديابة كر
أكلت عياله الأفاعى ودوقوه الديابة المر
راحو دينوه للخواجة لأجل الحياة تمر
بوعود خانوه وفرحوه لما هادوه بخيبة العمر
من إشتراكية لرأسمالية ضايع حقه كحر
سجين نظام منع الكلام من القلوب للسان يمر
وإزاى الضمير شبعان شخير وهتكون فيها حاجات تسر
ملعون أبوكِ يا خيبة لو خوفت ونسيت إنى حر
محمد حسانين