قصيدة عامية
(( جورج وعلى ))
للشاعر والأديب رمضان عزوز
الأولــــــه با بعت .... حبى وتقديــــــــرى
لكل شاب مصرى ... شارك فى تعميـــرى
لجل الرخاء ما يعم ... ويعيش على خـيرى
ويسير عى دربى .... ويصون دساتيـــــرى
********
والتانية باحكى .. عن جورج باسيـــــــلى
فلاح بسيط غاوى .. ينشد مواويــــــــــلى
يشرب مياه النيل ... ويقيد قناديــــــــــلى
عايش على ارضى .... حافظ على نيــلى
*********
أعداء كتير قادوا .... نار الفتن والبــــــــين
وقسموا الأمـــــــــة .. اقباط ومسلمين
قلت النسيج واحد ... عمره ماكان اتنين
دا الرب خالقهم .... وكلهم من طــــــين
*********
ياما العدو حاول ..... يزرع فتن وغــــــــل
قال المسيحيين .. عايشين هنا فى الظل
قلت النسيح واحد... اصل السوطن للكــــل
عيشين هنا احباب ... من غير عذاب او ذل
*********
ثورة تسع تاشر .... ماثلة أمام العيـــــــن
والأمس كان شاهد .. حرب الصليبيـــــن
ثورة تسع تاشر ... شوفوا الضحايا مين
كان الشهيد لمعى .. حاضن اخوه ياسين
**********
اعداء كتير حاولوا .... يقيدوا الن،،،،،،،ار
قلت النسيح واحد .... وحسين اخوه مقار
والدين هنا للـــــه .... والجار هنا للجـــــار
و ف حربنا الكبرى .... عمر الرصاص ما اختار
للشاعر والأديب رمضان عزوز
ليست هناك تعليقات:
إرسال تعليق