(( اتقل على قلبى اللى حبك )) بقلم // عبدالحميد المرسى

اتقل على قلبى اللى حبك
اهجر وزيد ف القساوه
لو حبى مسكنش قلبك

هتجيب منين الغلاوه
اتقل ولاونى خايف
تضيع همس الشفايف
قول له ياهوى المصايف
فكره بأيام الشقاوه
اتقل وزود عذابى
ضيع لى ف سنين شبابى
دا أنا واخدك عنوان كتابى
ليه بينى وبينك عداوه ؟
اتقل على كيفك وراحتك
واحرمنى من طيفك وريحتك
نفسى أسمعها ، سامحتك
واقولك ، أما براوه
........................
عبدالحميد المرسى