يا عالم الأسرار بقلم محمود عبد العظيم
يا عالم الأسرار
قلبى ضعيف محتار
ما بين هوى نفسى
وضميرى ليل ونهار
قوينى يا رحمن
ببركة القرآن
إحفظنى من نفسى
ومن عذاب النار
يا عالم الأسرار
دنيا وهوى ونفس وشيطان
بيغروا قلبى
وانت إللى بإيديك الأمان
منهم يا ربى
ثبت فؤادى على الإيمان
وإغفرلى ذنبى
إنت اللى بتتوب ع العباد
وتغفر الأوزار
يا عالم الأسرار
جتلك وانا شايل ذنوب
تقلت عليا
طالب رضاك عنى وبتوب
م اللحظه ديا
محتاج إليك تستر عيوب
موجوده فيا
من غيرك إنتوه ف الطريق
ما نكمل المشوار
يا عالم الأسرار
بقلمى/ محمود عبد العظيم
ليست هناك تعليقات:
إرسال تعليق