الأحد، 25 يناير 2015

((( الثوره بكر ))) بقلم // أحمد الماحى




الثوره بكر
فضو بكارتها
بنجاسه
الثوره فكر
ثاير ع الدناسه
الثوره أبدا
مش حكر
ع رابعه وتحرير
وسينا وكرداسه
الثوره ذكر
ف عرض طاهر
و دم مينا
و يوسف وماهر
الثوره فينا
ولسه ما ماتت
الثوره
مش كل الحكاوي
اللي أتحاكت
الثوره صوت
م الظلم كان ساكت
الثوره بانت
أبدا ما خابت
ولا يوم خافت
الثوره هبت
كل البلاد همت
الثوره لمت
أخوان يسار
الثوره عمت
أشتراكي ليبرال
الثوره قامت
تنول المنال
ف صوت جانيت
وعلا ودلال
اليل طال
طلع النهار
الشمس دفت
رغم الامطار
وأجي الأنتصار
وأعلن قرار
تنحي الحمار
لكن الحمار
ربي فجار
وف التحرير
كتير تهليل
ولسه ف الطريق
جي المرار
ف الأمس
القريب
كان الهتاف
ليرحل حبيب
ليرحل نظيف
وكان المراد
غرض عفيف
مين ع الكتاف
منطق ظريف
منطق مخيف
منطق بلا منطق
منظق
بطعم البولوبيف
وأبتدي ألتخريف
وأبتدي ألتجريف
وأبتدي التزيف
والورد اللي فتح
ف جناين مصر
غرسوه
بشوك مجرح
ف توب النصر
وصلو الضهر
بعد العصر
وعصرو الثوره
بعهرهم عصر
وأللي قال أنا منها
خان وشرب دمها
وللأهلو وعشيرتو
باع مشمها
وأللي قالو أنقاذ
حدفو بالطوب
وبيتهم من أزاز
والطوب معطواب
وكلامنا مجاز
عن كل المكتوب
فأخينا المحبوب
أبو النسر مقلوب
لعب بالشقلوب
فقلنا الملاذ
وأدي العكاز
لكن العكاز
ناح بالصراخ
يطلب تفويض
لذبح الفراخ
أما الفراخ
فبادلته الصراخ
وطاخ المطاخ
ف سينا مجند
وف رابعه مبند
والأخ العكاز
جايبلنا مهند
ف جذب البنات
يتكلم يتنهد
ذي أل...
ف الحكايات
والذكره حلت
من كل الذكريات
يناير همت
وألا الحلم مات
ف غمرت
لحية وبياده
وعمرت
وأحد قهوه
ساده
فالنشرب ياساده
ونلتحف الوساده
فالثوره
في ذاده
عوره
عايزه عمره
وأد كدا شهدا
وبزياده .........
‫#‏أحمد_الماحي‬ ‫#‏الثوره‬
25يناير2014
الذكره الرابعه


مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)

music