اكتب للوطن والناس...وللاحساس
اللى نايم فى قعر الكاس
وعن بلاد الغربه ..فيها اساس
وميت احساس
يخشوا فى بعض..وفى الاخر
وطن من ماس
ملان احساس
وكل البعد ما يخدك
تلاقى الشوق اليه قناص
يشدك ناحيته تانى
وتبنى اساس
لبيت واهل وصحبه
ولمة عيله فى الاعراس
ولما الدنيا تالمنا
تلاقى فيها اجمل ناس
فى احضان الزمن عايشين
بدون وسواس
صمت الزمن نايم
بعد شدة الترباس
طير المحبه فى قلوبهم
على جلدة الكراس
احنا بلاد المحبه
وقلوبنا اطيب ناس
اشعار //جمال محمود,,,,,,
ليست هناك تعليقات:
إرسال تعليق