((( الســـــراب ))) بقلم // ياسر شرف

قصيدة السراب
=========
سافرت فى طريق صحراوى فى اتوبيس ده قبلى وجيزاوى
وسرحت برضه وانا الغاوى فى ظروفى برضه واحوالى
وقلت ياسلام يا قناوى فى عباية سودا محلاوى
وابدا حياتى فى خيالى بعيشة حلوة وتهنى لى
وحلمت انى غنى وعظيم وعندى شقة فى قصر النيل
اصحى براحتى كل صباح وفطارى جاهز وانا مرتاح
واتعب شوية ياعنيا اختار فى لون العربية
وفلوسى تطلع باستمرار وبدون رجاحة او حتى خيار
وقلت لازم اعمل خير لفقير ومحتاج او للغير
زى ماشوفت حياة الفقر فى ناس ده عايشة حتى فى قبر
وقلت اجمع كل فقير ومريض ومحتاج بشكل كبير
واحل مشاكل كل الناس بفلوس كتيرة وباحساس
لانى برضه كده مريت بظروف كتيرة وقلت ياريت
وفرحت وانا باسمع دعوات من محتاحين لساعات وساعات
ومرضى فقرا او مساكين تدينى حسنة ليوم الدين
او حتى يعنى اى شباب متعطلين وفتحنا الباب
وبداوا حياة حلوة كريمة وشقوا طريقهم بعزيمة
وصليت لربى حمد وشكر وقلت كفاية دعوة وشكر
دلوقت بس بقيت انسان وحسيت بقيمتى فى كل مكان
وقلت لو مت فى ثانية تبقى صحيح صدقة وجارية
ودعيت لربى كل غنى يتبع طريقى ومذهبى
ولا نلقى يعنى اى فقير او طفل ده طريد او شرير
وتبقى الحياة حلوة هنية بكباب وبرضه بطعمية
وشربت فى عصير يعنى شراب ولقيت ده كله يعنى سراب
وندرت ندر لازم اوفيه لو صار ده علم لازم اوفيه
وكفاية دعوة اى فقير ومريض او حتى غفير
وشهادة منى وانا ناوى واسمى ولقبى هو قناوى.
مع تحيات الفقير الى الله
ياسر شرف