قصيدة بياع الزهور
===========
مشتل وكله زهور وورود ياسمين وفل بأحلى عطور
تكبر وتتكاثر ازاى سبحانه ربى جل علاه
وليها برضه كل حياة نفوذ وملك وكمان جاه
دورة حياة دى فى اى زمان تشبه بدقة حياة انسان
ومعروفة برضه بالعائلات بالنوع وحتى بالشتلات
عود الورود ده اصيل وجميل من نسل اصله يعنى كبير
وكمان ده عود الياسمين زاهى وشكله برضه جميل
والفل حلو مااحلاه فى جمال وخفة ويا بهاه
تكبر وتنمو يعنى فى طور ووظيفتها هو نشر عطور
وتذبل تموت على طول فى الحال فى اى وقت واى زمان
دورة حياة دى فى اى زمان تشبه بدقة حياة انسان
ليها ده شكل وكمان لون وتستنى يعنى عليها الدور
وليها برضه يعنى لغات لكل نوع فيها بالذات
تعليمها سهل كتير ويسير بالحب برضه والاحاسيس
ودى عيلة برضه للياسمين عيالها يعنى هما كتير
الام اسمها زينة والاب اسمه سمير
والبنت لوزة جميلة مع اختها دى هدير
واخوها لقبه يعنى ياسين بيفوح عطور الياسمين
يرويها عم سرور بالدور ويبيع كمان ده فى احلى زهور
والورد عيلته كمان بتغير من زهر مخلوط بالياسمين
والام وردة وحمرا كمان واسمها الحركى ده جيهان
والاب خدوده بتتفتح واسمه الحقيقى تتح
والبنت زهرة وجميلة واختها اسمها لينا
واخوها اسمه الحركى زياد بيطلبوه فى كل الاعياد
يرويها عم سرور بالدور ويبيع كمان ده فى احلى زهور
والفل عيلته كمان بتغير من ورد احمر مع ياسمين
الام فلة وجميلة واسمها برضه سميرة
والاب فل وزين واسمه يعنى عم حسين
والبنت فلة صغيرة واختها دى شهيرة
واخوها اسمه برضه فطين وسيم وزهره فل جميل
يرويها عم سرور بالدور ويبيع كمان ده فى احلى زهور
وحوار يدور ده طوال اليوم بينهم فى غيرة وفى التليفون
والورد عيلته تقول: احمر بلون الخدود وعلى كل حال دايما مطلوب
والفل عيلته تقول: ابيض ولونه هوالفل وزباينه تيجى كده وتطل
والياسمين عيلته تقول: ياسمين وعطره هو جميل وزباينه طالبة كتير وكتير
ويقول عليها عم سرور دى منافسة حلوة وشريفة وعائلات كريمة وعريقة
ورود وبرضه مع الياسمين والفل شكله لذيذ وجميل
ويقول سرور للياسمين: ياابيض بشكل جميل مين اللى قدك مين!
ويقول كمان للفل :بيعلقوك احباب عالصدر يعنى كتاب !
ويقول كمان للورد: يااحمر الخدين مين اللى زيك مين!
ويغير ده يعنى الياسمين ويقول لعم سرور :
انا عطرى احلى كتير وكتير والناس اكيد شايفين شاهدين
ويغير ده برضه الفل ويقول: انا رمز وحبيب للكل
وتطل زهرة الاوركيد وجمالها يسحر برضه اكيد
وتطل زهرة الريحان وعطورها اجمل زى زمان
وتطل الزهرة المستحية وورقها احلى وميه ميه
والنرجس يظهر بشكل جديد وكأنه فرحة يوم العيد
والبنت فلة تضرب فى وردة تقوم عيلتها تاخد بتارها
ونحلة طايرة على البستان تشرب رحيقها اشكال والوان
وزهور بواكى يتنافسوا مين اللى يدخل ومين قده
ويضحك معاهم عم سرور ويروى الزهور دايما بالدور
ويقول سرور: انا مسرور يا اجمل واحلى زهور
لو كنت جيبت ليا اولاد لفضلتكوا انتو بالذات
انتوا حبايبى واهلى وحتورثونى من بعدى
وتتحد كل الاصوات من بعد غيرة دايما فى رباط
وتهدى فى القبلات بكتير لعم سرور ولكرمه الكبير
ويحضنوه وكأنهم اولاده ويقولوا احنا كده مداده
ويدعوا له بالصحة وطولة العمر وسنين جميلة تفوت وتمر
ويسود شعور بالحب كمان من بعد غيرة وحقد زمان
لو يتعظ يعنى الانسان ويتأمل فى حاله هو كمان
لتغيرت اشكال والوان واتبدلت كل الاحوال
دورة حياة دى فى اى زمان تشبه بدقة حياة انسان
لازم يسودها سلام وامان وتسبيح وحمد للرحمن
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق