بتوحشينى / على عبد العليم
---------------------------
كل اما فكر فيكِ
واتاريكِ هنا
ومش جنبى
وكأن الحزن متخبى
فى كاااااااام مليون
مطرح
وانا قلبى كتير يسرح
كما التلميذ ف مدرسته
لا عارف منين يبدأ
كتابة اسمك .. الوردى
ولا عارف لفين يسرح
مع إنه بيتغابى
وفارض على المدى
اسمه
وحاسس إنه ف الحسبة
كبير الناس
ملك إحساس
متعرفش منين جايب
حلاوة الروح
ولا يعرف لفين هيروح
من الدنيا اللى واخدانا
لسكة كلها مشكى
وعين تدمع من المبكى
وأحزانا اللى جوانا
بتحرق فينا بالراحة
وكلمة شوق ف نجوانا
وشكوانا ......
مكتوبة بحرقة ف الساحة
ونار تكوينا ببراحة
وغدرأخونا فى وطنا
بيقتلنا
ولا يعرف
معنى حرمة دم
ولا يفهم حزن وهم
ولا بنملك من الدنيا
غير هدمة
بنستر فيها أوهامنا
وجندى هناك بيحرسنا
راسم بدمه أحلامنا
كأنه خبير
خبير واقف على الخرطة
حالف يسهر على اعتابها
ويحمى بيوتنا وترابها
وزارع م الأمل وردة
وريحة الوردة شاممها
بلون دمى اللى متعطر
وانا بكبر
فى صورة بكل أبعادها
وبروازها خشب أصفر
وهدمة بيضة لفانى
من غير غرزة ولا مشبك
ترابك فيا بقا يشبك
عيدانك الخضرا
على المرسى
أنا هرسى هنا ع الشط
وحالف أكتبك غنوة
وحالف اعزفك موال
ف ليل الغربة والتوهة
أنا الجندى
ع الكتاف متشال
غزلتك كلمة ف حكاية
رسمتك وردة ف عزايا
كتبتك ألف كلمة حب
ف محرابك أنا ساجد
لرب الكون ما هو الواحد
وشايف كل أفعالهم
وبكره يشوفو أعمالهم
عليهم نار بتحرقهم
وتمحيهم وتسحلهم
سجل تاريخك
الوردى
حبيبتى إنتى عنوانى
وعشقى ليكى سجانى
يا سكنايا
وأجمل حاجة جوايا
أنا منك
ولا يمنعنى عن حبك
غير إنى أموت على ترابك
بحبك يا مصر
على عبد العليم
نوفمبر 2014م
فى كاااااااام مليون
مطرح
وانا قلبى كتير يسرح
كما التلميذ ف مدرسته
لا عارف منين يبدأ
كتابة اسمك .. الوردى
ولا عارف لفين يسرح
مع إنه بيتغابى
وفارض على المدى
اسمه
وحاسس إنه ف الحسبة
كبير الناس
ملك إحساس
متعرفش منين جايب
حلاوة الروح
ولا يعرف لفين هيروح
من الدنيا اللى واخدانا
لسكة كلها مشكى
وعين تدمع من المبكى
وأحزانا اللى جوانا
بتحرق فينا بالراحة
وكلمة شوق ف نجوانا
وشكوانا ......
مكتوبة بحرقة ف الساحة
ونار تكوينا ببراحة
وغدرأخونا فى وطنا
بيقتلنا
ولا يعرف
معنى حرمة دم
ولا يفهم حزن وهم
ولا بنملك من الدنيا
غير هدمة
بنستر فيها أوهامنا
وجندى هناك بيحرسنا
راسم بدمه أحلامنا
كأنه خبير
خبير واقف على الخرطة
حالف يسهر على اعتابها
ويحمى بيوتنا وترابها
وزارع م الأمل وردة
وريحة الوردة شاممها
بلون دمى اللى متعطر
وانا بكبر
فى صورة بكل أبعادها
وبروازها خشب أصفر
وهدمة بيضة لفانى
من غير غرزة ولا مشبك
ترابك فيا بقا يشبك
عيدانك الخضرا
على المرسى
أنا هرسى هنا ع الشط
وحالف أكتبك غنوة
وحالف اعزفك موال
ف ليل الغربة والتوهة
أنا الجندى
ع الكتاف متشال
غزلتك كلمة ف حكاية
رسمتك وردة ف عزايا
كتبتك ألف كلمة حب
ف محرابك أنا ساجد
لرب الكون ما هو الواحد
وشايف كل أفعالهم
وبكره يشوفو أعمالهم
عليهم نار بتحرقهم
وتمحيهم وتسحلهم
سجل تاريخك
الوردى
حبيبتى إنتى عنوانى
وعشقى ليكى سجانى
يا سكنايا
وأجمل حاجة جوايا
أنا منك
ولا يمنعنى عن حبك
غير إنى أموت على ترابك
بحبك يا مصر
على عبد العليم
نوفمبر 2014م
ليست هناك تعليقات:
إرسال تعليق