يلا يا حاجه
يلا يا حاجه بسرعه تعالى
نادى احفادى وكل ولادى
انا رح اقابل رب كريم
وهو ف اللحظه دى عليم
انى بريئ من ظلم الناس
عايش عمرى على الاخلاص
يلا بسرعه نادى لولادى
الروح بتفارق جسدى خلاص
واد ياحكيم زاد ياكريم
واد يا محمد نادوى على ليلى
وراويه وعزه والابله عفاف
واوعو حد منكو يخاف
او يزعل لرحيل الغالى
عاش طول عمره طيب غلبان
ولا عمره قال انا تعبان
يلا بسرعه قوام يا ولادى
ابوكو راقد اهو بينادى
مين يسقيه ويدلك جسمه
مين يتشاهد ف طلوع روحه
مين هتنادى عليه وباسمه
تعمل خير صدقه على روحه
يلا يابنى اقعد جمبى
رح اقولك كل الا ف قلبى
واوصيك يا كبيرى وصيه
وانا ماشى ف الساعه دهيه
اخواتك وامك دى امانه
ف عيونك ليوم الساعه
اصلها يا بنى والله وليه
طول عمرها ويايا شفيانه
ولا ملت ولا كلت يوم
طول عمرها نفسها قنعانه
واخواتك دول جوه عينيك
اوعى يهونو يا ولدى عليك
عشت حياتى ازرع فيك
الطيبه الا شايفها ف قلبك
علشان كده ربك بيحبك
قربى منى هنا يا بنيه
رح ازورك ف الليله الجايه
واقعدى جمبى ولا تبكيش
واقرى كتاب الله على راسى
ده لقا الله ذيه ده مافيش
وانت يا ولدى يا يا داخل الجيش
اوعى تسافر ما تزرنيش
واوعى تنسى فرض الله
ده الا يصون ربه يا حبيبى
ربه يكون دايما وياة
واوعى تفترى على خلق الله
يلا ياحاجه قوام غطينى
واتشهدو عليه واسقونى
يلا بسرعه قوام غطونى
انا رايح جنتى يا ولادى
يلا اهو ه جه وبسرعه ميعادى
فتحو القبر بيكنسو فيه
وملايكه واقفين حواليه
علشان ابقه راقد مرتاح
وانا شايف ف القبر براح
اتشهدو عليه خلاص يلا
انا شايف النور يا هلله
يلا انا جاهز اهو بقه يلا
يا ملايكه وخلاص ا رح بنام
اشهد ان الله الواجد
وان محمد عبده ورسوله
عليه صلاه الله وسلام
بقلم / مياده عبدالعزيز
ليست هناك تعليقات:
إرسال تعليق