(((( سـنـيـــن الغــربـــة )))) بقلم // محمد أبو الحسن

:::::::::::::::: سنين الغربة ::::::::::::::::::::
سنيـن الغربـة هـدتنـى :::: وليــل الصبـر خلانـي
أدوق المــر وأتحمــــــل :::: ونـــار الحـب كويـانـي

ولما بقول خلاص راجع :::: ألاقي أحلامي شداني
ياغـربة بتقتلي فرحـي :::: وحبيبة قلبـي وحشاني
:::::::::::::::::::::::::: ::::::::::::::::::::::::::
وقلبـى الحلـم كان سارقه :::: دوقنـى مُـــــر أيـامـي
بصبـر حبـي وأنـا مفارقــه :::: وأقول هرجع واحد تاني
أتــاري الغربــة دي حرقـة :::: ومـاتـت كـل أحـلامــي
ياغـربة بتقتلـي فـرحـــى :::: وحبيبة قلبي وحشانـي
::::::::::::::::::::::::::: ::::::::::::::::::::::::::
فايتهـا ودمعتـي فـي عيني :::: فايتها وروحـى فايتاني
فـراقهـا كــان علـى عينــى :::: حنينها بيـروى أحـزانى
ياخوفي موجك دا يحدفنـي :::: فـي بحر مالوش قرار تاني
يـاغـربـة بتقتلـى فــرحـــي :::: وحبيبـة قلبـي وحشاني

بقلم // محمد أبو الحسن