(((( هذيــان عاشــق )))) بقلم // أحمد جمعه

 

هذيان عاشق
كنت ماشي فيه بفكر
اه لو أقابله مره صدفه
وأشوفه حتي لثواني
أصل أنا من بعده عايش
وبقيت كدا شخص تاني
قولت هقابله بإبتسامه
وهمد ايدي وأسلم
وهقوله من بعده إني
الفرحه من عمري غابت
والحزن باقي جوا مني
ومعلم ملييون علاامه

حسيت كدا إحساس غريب
وببص أدامي لقيته
جاني هوا بنص بسمه
ضاعت مني الإبتسامه
والحيره علي وشه رسمه
قالي انت عامل ايه
حمدت الله علي كل حال
وسألني كدا كام سؤال
وف الآخر عتابه ليا
واكتفيت بنظري لييه
قالي مفيش إجابه يعني
قولت مفيش كلام يتقال
بص لياا قوام بدهشه
م الكلام اللي بقوله
قالي هتفضل زي مانت
بتضيع كل اللي بينا
قولت ملوش لازمه الكلام دا
قالتلي يا أحمد بسببك إنت
هاخد قرار أنا مش عايزاه
وهوافق كدا ع العريس
اللي خالتي خلاص جايباه
لقيت نفسي بتعذب
ونسيت الدنيا حواليا
لقيت نفسي بقول مبروك
وهيا من كلمتي إتخضت
وفجأه الوش قام مقلوب
ودموعها زي المطر نازله
لقيت نفسي ببصلها
و دراعاتي كدا خانتني
وضميتها علي صدري
ولساني ساعتها يتكلم
وبصوت محسوس كدا
راح قال
مين غيري ياخدك انتي محال
ضحكت والبسمه ماليه الوش
ومسحت دموعها بإديا
ولقيت كام بنت حواليا
بيبصوا عليا بإستغراب
بيقولوا دا أكيد مجنون
واقف لنفسه بيكلم
وحاضن الهوا بإديه
وأتاري الصدفه حلم خيال
وراح القلب يتمني
وصنع حلمي ف ثانيه البال
وأتاري فرحها بعد يومين
ومستني الصدفه تحصلي
وبقالي كتير علي دا الحال
وجنون الحب هيألي
بقيت مجنون كدا رسمي
وباقي الجسم متشتت
عليا حزين بيتألم
ونفسه يقول و يتكلم
يا ميت خساره ع الجدع
يا ميت خساره علي الشاب اللي راح
جنوون : لأحمد جمعه