عادى بقه
عادى بقه وايه حاصل
احنا ف نهايه الطريف
بس مش قادرة افرق
كنت يوم ليا الحبيب
كنت يوم ليا العدو
والا كنت ف يوم صديق
انت جرحك عاش ف قلبى
بس كنت ف يوم حبيب
بس القدر باعد ما بينا
وماكنش ليا فيك نصيب
كنت اجمل امنياتى
كنت اسطوره حياتى
كنت بسهر ليك ليلاتى
كنت ضحكى واهاتى
كنت القلب الرقيق
كنت كنت وكان وكان
ذكريات نحكى اللى كان
حكاوى كتير تملا المكان
بس ضاع منى الامان
والجراح لاخر الطريق
كان وكان وكان وكان
حكايه ماتت من زمان
كان بطلها ابن الجيران
كان مالك الروح والكيان
بس ياخساره الزمان
قاد ف طريقنا الحريق
كنت برسم فوف جبينك
كنت بتحلا بحنينك
كنت بعيش وياك سنينك
كنت بتجينى واجيلك
والفراق كتب النهايه
وسابنى ف البحر غريق
مش تعاتب مش تلوم
جوه ف القلب الهموم
ايوه هنسى كل ذكرى
وانسى الف يوم ويوم
ايوه هعيش احلم ببكره
وامحى جوايا كل فكرى
ممكن تاخدنى يوم اليك
الذكرى ف قلبى جراح
بتندمنى ع اللى راح
بس انوار الصباح
بتنادينى بتناجينى بتتراجانى
انسى عمرى اللى راح
مش هعود من تانى ليك
ف نفس الطريق
بقلم / مياده عبد العزيز
ليست هناك تعليقات:
إرسال تعليق