بجد بجد
بجد بجد قلقانه
وخايفه كتير وحيرانه
ودمعه عينى اه يانى
بتحكى كتير
انا اللى الدنيا ظلمانى
وضاع العمر ف ثوانى
وكل ما اعيش امل تانى
والاقى الفرحه حضنانى
فجا الاقى هموم تانيه
ووهم كبير
ماليش بعده وطن تانى
وعايشه وحاضنه احزانى
وهم وحيره ملكانى
تعبت كتير
انا سلمت امرى ليك
وكل لحظه انا بناجيك
عشان ترحمنى من حزنى
وعارفه مصيرى ده بايديك
انا وكلتك يوم امرى
ف حياتى وباقى عمرى
وعارفه مش هتخذلنى
عشان رميت حمولى عليك
يارب الكون يا قادر
على فراقه مانيش قادر
وعمر ما قلبى اتعلق
ف يوم غير بيك
وانت زرعت فيه حبه
ودوقته ف يوم قربه
ونفسى بس اعيش جمبه
ود بامرك وده بايديك
بقلم / مياده عبد العزيز
ليست هناك تعليقات:
إرسال تعليق