جوه معبد من معابد الفراعنه
الغرام له الف معنى
أسأل التماتيل تقولى
كنت شمسى وكنت ضلى
كنت وردى وكنت فلى
كنت اجمل شئ فاضلى
والنقوش على الجدران شاهده
والغرام عايش ما بينا
جوه معبد الفراعنه
جوه معبد م المعابد
قلبى أستشهد بربى
كان ف دى اللحظه عالمبى
حد جه ف الضلمه قالى
أسجدى لله وصلى
وأوعى تنسى حب طاهر
حب مش ف الظلمه ظاهر
حب أقوى من حياتى
عاش ف عمرى وذكرياتى
حد قالى دى سفينه
بتوصل اخر المدينه
فيها ملك الحب مينا
أحكي له كل الكلام
وعلى عشقك ف الغرام
وابقى تعالى وقوليلى
أيه حصل بينك وبينه
وأرجعى لأحلى دنيا
جوه معبد الفراعنه
جوه معبد م المعابد
كان إله الحب واقف
قالى شاهد قالى شايف
الغرام الحلو بينكم
أوعى يضحك يوم عليكى
أوعى تدمع يوم عنيكى
والنقوش الا ف إيدكى
نقشه لولى ونقشه فضه
لجل ماالحبيب ده يرضى
والا مش جاى انهرده
بكره يبقا بين أيديكى
حهزى الورود وغنى
قربى وأتلمى منى
انا رسول المحبه
رح تنولى حبه حبه
نار ودايبه ف أحلى جنه
وأنقشى أيدك بحنه
جوه معبد الفراعنه
جوه معبد م المعابد
كات نهايه الحكايه
قالى شوفى أحلى صوره
بهتانه قوى ومكسوره
بصيت جوه قلبى حبه
شوفت نهيتى حبه حبه
ذى شجره شايله عنبه
بس متحرم عليها
تلمسه حتى بأيديها
روحت أكتب على الجدار
أول ما يطلع النهار
تصحى تجرى تستخبى
شهر ذاد من شهريار
جالى عبد من العبيد
كان واقف هناك بعيد
قالى تخدى بالنصيحه
شايفك تعبانه وجريحه
قولت أيوه
قالى يلا بسرعه اجرى
من الغرام ده وأستخبى
رح تشوفى أيام هنيه
يلا بسرعه قوام شويه
وأرمى وراكى الغذاب
وأحرقى أم الحجاب
رح تشوفى أحلى جنه
لو ف يوم تقررى
وتحرمى تدخلى معابد فراعنه
بقلم / مياده محمد عبد العزيز
ليست هناك تعليقات:
إرسال تعليق