(( اللي حابسك كان مغفل )) ‏بقلم/ شريف عويس‬

اللي حابسك
كان مغفل
ساب بجهله
الباب موارب

والاكاده
ان انت اهبل
عامل لنفسك
الف حاجب
اللي حابسك جوه منك
خوف وجهل وصبر منك
روح عليله وقلب شايب
يبقى تشكي ازاي ظروفك
وانت رجلك ....حد شوفك
عين كفيفه وعقل خايب
لو حاولت تعيش بهيم
بكره حتما راح تصير
اصل سهم الظن صايب
لما حلمك كان تطير
كنت جوه الجسم طاير
كان خيال ومالوش حاجب
بس صبح الحلم عله
والعليل اكمنه اعمي
حط فوق البر قارب
لما خوفك يبقى وهم
يبقى سجانك فعقلك
بس لو دورت ..غايب
‫#‏بقلم_شريف_عويس‬