ما فيش
داعش
تعفر ايديك
و تعوج عمامتك
عمامه شيوخ الضلال و الخراب
يا واكل ف ناسك
بيادتك ف راسك
و مخك شراب
شراب امريكانى
صناعه واشنطن
بيكتب اغانى
و ينشد و يرطن
بكل اللغات
لغات الندامه
و لولا الملامه
هتركب جمال
حلالك حلالو
و حرامك جهاد
جهاد
موش
سلامه
وسلامه اللى ثار
و قطع بسيفه
رؤوس التتار
و لاد عم ابوك
دا ابوك
كان ضلالى
و صاحب مزاج
و صاحب طريقه
ف فقه الفساد
تكفر و تقتل
ف كل الخلايق
و عربد
و دمر
فبرطع و ساد
ساد
او ما ساد
موساد اللى زقك
و بصرف عليك
حلالك ..........حرام
حرامك ............حلال
و بوصله سيادتك
بتحدف شمال
مكه فى سينا ؟
و الاقصى فى طنطا ؟
و بيت بن خالتى
دا مسرى نبينا
نبينا اللى وصى
بقطع الرقاب ؟
رقاب اللى زيك
و زى اللى جابك
ليوم القيامه
قيامه سيادتك
و عمك اوباما
ليست هناك تعليقات:
إرسال تعليق