عاوزه أيه ؟
انت عارف الكلمه دى
ممكن تعمل فيا أيه
ببقه كأنى جوه بير
غويت ورمتنى فيه
عاوزه أيه ؟
عاوزه ابقه ليك حبيبه
عاوزه أبقه ليك طبيبه
عاوزه أبقه المستحيل
اللى ما تقدر يوم عليه
عارف @
كل نظره من عينيك
بتنادينى بتناجينى وبتأمرنى
ف البعاد اسأل عليك
عارف @
كل ساعه من سنينى
بتدوبنى ف نار حنينى
وأفضل أستنى تجينى
وألقا روحى بين إيديك
عارف @
قلبى دق ألف دقه
بين حنين وحنان ورقه
وألقا روحى تبقه سابقه
لدنيا حلوه لقيتها فيك
عارف @
روحى عايشه ليك محبه
تضحك تجرى تستخبا
عايشه ف حبك حبه حبه
نفسها تطير تستخبا
جوه حضنك وتشتريك
لسه ؟
لسه مش حاسس هوايا
لسه مش لازمك رضايا
لو هاتبقى مش معايا
بس قولى ابقا أيه ؟
دلوقتى عرفت عاوزه أيه ؟
بقلم مياده محمد عبدالعزيز
ليست هناك تعليقات:
إرسال تعليق