وماشي ف طريقي
وايدي ف اديهاا
سابتني وراحت
لماركت كان قريب
وشوفته مقابلني
مكنتش مصدق
ومدت ايديها
لجل إن أسلم
وبصوت كان ضعيف
همست قالتلي
( دي اللي عشانها
ف يوم سبتني
دي اللي عشانها
ف لحظه بعتني )
بصيت بإندهاش
وقوام بقيت بقول
( أنا اللي برضه
بعت وخنت
أنا اللي برضه
بعدت وسبت )
وقطع كلامنا
صوت كان جميل
قالت يابابا
خود باقي الفلوس
عمو ادهاني
واداني الحلااوه
وماما جات خدتني
وقالتلي انتي غبتي
قولتلها تعالي
يا بسمه حياتي
تعالي يا ....... يا بنتي
بصت ف وشي
وجالها ذهول
قالت بتنده
لبنتك بإسمي
وافتكرت ف لحظه
كلامي زمان
( نفسي أجيب بنت شبهك
وواد برضه شبهك
واندهم بإسمك
وتطلع عنيهم نفس العيون )
وقالت سلاام
ودموعها ف عنيها
وقالت ياريتني
ما سبتك ف يوم
هفضل طول حياتي
لنفسي ألوم
سلاام يا عمري
اللي ضيعته
ف يوم
صدفه مؤلمه : لأحمد جمعه
ليست هناك تعليقات:
إرسال تعليق