الواد حليوه وطٍعم __ بقلم الشاعر ماهر البساطي..خواطر شارده

الواد حليوه وطٍعم
جاي يبيعلي غرام
بس بيّّنه ماسمع
عن قلبي
اللي عمره ماخان..

إبعد ياواد من هنا
ابعد وروح لبعيد
لو علي بابي وقفت سنه
عمرك ماتبقي حبيب

الحب اللي فيا خلاص
ملكُه اعز الناس
وخلاني عالي وفوق

علمني معني الوفي
دوقني طعم الهنا
يللا انت بقي بالذوق

إزاي هايجيلي قلب
اسمعك وانا بحب

دا حبيبي اللي بحكي عنه
مافيش في الدنيا منه
تيجي انت ايه بقي
في حنينه وخفة دمه

يللا انت بقي بالذوق
وماتبصش لفوق
دا قلبي خلاص مش ملكي
يللا ودوب في الشوق..

بقلمي
ماهر البساطي..خواطر شارده