هو الزعل بيزيد
ولّا الفرح بيقل!
هو السراب بيفيض
ولّا الطريق اتبل
طول ما القدر مواعيد
طول ما الرجوع مش حل
طول ما الرحيل غاية
والخطوة مرسومة
يبقى اللقا مراية
لنهاية محسومة..
إنك فضلت وحيد
وانك بعيد جداً..
عن كل شي ممكن..
يفرق معاه وجودك
وان السما حدودك
فالأرض مش سيعاك
والشمس ماشية معاك..
تفرش بطولك ضل
واما الغروب هيحل..هتمِل وتسيبك
الفكرة بتودّيك..للفِكر فيجيبك..
بينهم سبع أشواط
مين اللي عاش مرتاح..
إلا اللي قبلك مات..وادّارى فـ الماضي!
وانا عمري لو مضمون
كنت أقتلك عادي..ويقولوا قلب وراح
لكن يموت ازاي..
حزن بسبَع ترواح..
وبراح بطول الصبر..والنخل لجدوره
طرحه استوى واشتاق..
وقف النّوَى فـ زُوره..وفـ لحظة خر صريع
فَتلمُّه ناس وتبيع..وتشتري المشوار
مين اللي عاش مرتاح..
-----كريم ابراهيم -- (الصمت )
ليست هناك تعليقات:
إرسال تعليق