انا ابن الصمت والرعشة
رباية الشمس والحرمان
طفحت الكوتة من صغرى
وحلبت الصخر لاجل اشرب
فنز الصخر لى صبار
بطلع عـ الجبال حافى
واطوف فى الصحرا والاهوال
وعندى مركبة فى النيل
دراعى فيها مجدافى
واكلى تمللى عيش ناشف وحبة مش
لا بيعت الجنة للمشتاق
ولا بيعت الوهم للعشاق
زرعت الارض بالاحلام
حصدت المر
عصرتنى الغربة فى احضانها
لما حبيبتى رحلت وتركتنى
غريب فى الدنيا دى غرابة
عصفور تايه ما بين غربان
وصوتى اخر حدوده الحلق
فطبيعى الحزن يعرفنى
وطبيعى اعانى مـ الحرمان
--كريم-- الصمت الحااااااكى ---
ليست هناك تعليقات:
إرسال تعليق