بسم الله الرحمن الرحيم
ماتخافيش يابلدي
ماتخافيش يابلدي ماتخافيش
دموع عيونك ما تداريش
دول مش ولادك
دول للظلام خفافيش
مهما طال ظلام الليل
هيطلع فجر النهار
ونور شمسك يدفي الدار
يلم الحبايب في حضنه
ويحرق كل خاين
وكل غادر ياخد منه تار
دموع حزنك بتحرق حشاكي وحشانا
يا بلدي فرحتك وحشاااااانا
مهما طال ظلام الليل
هيطلع فجر النهار
والندى من شمسكِ يدوب
يتغلغل في أرضكِ
تطرح سنابل خير
طرق ودروب
ما تخافوش ياولادي
مهما طال العناد
مهما كان الجفا والبعاد
حلفت بدمائكم
ليرجع فرح البلاد
أمد إيدي وتمد إيدك
ونبني جدار عالِ
يحميك ِ يا أمي
يحمي دمكِ الغالي
أرفعي راسك فوق
لابد إنا نفوق
مهما طال الزمان
هيجي يوم
تنزاح فيه الغيوم
نلبس توب الفرح
ونقلع توب الهموم
ياعيني عليك ياقلبي
يا عيني عليك يابلدي
يا عيني علي ولادك الغالين
يا عيني على حراسك
لأجل عيونك سهرانين
مكتوب عليهم يضحوا
مكتوب عليهم يتشالوا جثامين
يااااااااااااااااااااااااه يابلدي
يا عيني على ولادك
يا عيني على الغالين
ياعيني عليكِ ياقلبي
قلعت ِ توب الفرح
لبستِ توب الهم الحزين
ليست هناك تعليقات:
إرسال تعليق