الفجر شقشق كلمات/عدنان سنجر(المصرى)

الفجر شقشق

كلمات/عدنان سنجر(المصرى)

الفجر شقشق صوت الآذان
عصفورنا زقزق ف الميدان
شمس طالعه صلوا الضحى
سكك كتير متسددة
وبيبان كتير متفتحة
وحدودنا ليه متكسحه
وحدودنا ماهى مسلحه
وقلوب كمان عايشه ف أمان
وقلوب كتير متكسحه
الظهر حان والعصر بان
والمغربيه ضاع الأمان
كم الرصاص كم البارود
دم الشهيد غطى الحدود
راح للجنان سابنا ف جنان
وبارودة ف إيدين الجبان
جثث كتير متدبحه
والدم سال ف المدبحه
حالات كتير قاطعه الحشا
والإمدادات واصله العشا
الدم مخلوط بالفطار
وأهالى قاعدة فى إنتظار
اللى مستنى العريس
لأجل مايكمل شوار
واللى مستنى الرديف
لأجل مايطلع نهار
وشعبنا صابر سنين
مستنى ساعة الإنتصار
الغدر عشش وسط نار
مستنى لبلدنا إنكسار
والهجمة دى هجمة تتار
عايزيننا نفضل ف الحصار
بعدنا ليه يا أهل الإيمان
واحد صحيح كنا زمان
لابد من وحدة ووصال
لأجل مايرجع أمان
الفجر شقشق